المصدر: الكتاب المدرسي
كل ملخص معمول من نص فصل واحد من كتاب الصف والمادة، بنفس ترتيب الفصول في الكتاب. في الزتونة دلوقتي 594 فصل من المنهج المصري في 23 مادة و12 صف، و331 منهم ليهم ملخص منشور على الموقع.
مين بيكتبه
نموذج ذكاء اصطناعي بيقرا نص الفصل ويكتب الملخص بالعربي الفصحى البسيطة. كل الملخصات ماشية على نفس القالب، وعلى كل صفحة مكتوب إنها معمولة بالذكاء الاصطناعي، ومعاها تاريخ آخر تحديث.
إيه اللي في كل ملخص
- أهداف التعلم: اللي المفروض تكون فاهمه بعد الفصل، ولكل هدف مستوى صعوبة (سهل، متوسط، صعب) ووقت مذاكرة تقريبي. في الزتونة 6199 هدف تعلّم متوزعين على الفصول.
- المصطلحات والتعريفات بالصيغة اللي بتيجي في الامتحان.
- القوانين والقواعد في جداول، ومعاها شرط التطبيق ووحدة كل رمز لما تكون مادة علمية.
- أمثلة محلولة وأخطاء شائعة في الامتحان، لما تكون مناسبة للمادة.
- ملف مراجعة مصوّر لبعض الفصول، في آخر الصفحة.
حدود الملخصات
الذكاء الاصطناعي ممكن يغلط: رقم في مثال، أو كلمة في غير مكانها. الملخص بيساعدك تراجع وتفهم، لكنه مش بديل عن الكتاب المدرسي ولا عن مدرسك. لو في حاجة مش متأكد منها، ارجع للكتاب، أو اسأل عنها في تطبيق الزتونة وهيشرحها خطوة بخطوة.
لقيت غلطة؟
ابعتلنا اسم الفصل والغلطة على واتساب 01011530060 أو على support@zatoona-ai.com، وبنصلّحها ونحدّث تاريخ الصفحة.
مجانية؟
أيوه. كل الملخصات على الموقع مجانية ومفتوحة من غير تسجيل. شوف كل الملخصات.